Qarax ka dhacay magaalada Muqdisho iyo warar dheeri ah oo laga helay

Qarax nuuca gaadiidka hoosta looga soo xiro ayaa ka dhacay Isgooska Ex-Control Afgooye ee magaalada Muqdisho, waxaana qaraxan ay waxyeelo kasoo gaartay dadkii la socday gaariga qaraxa lagu soo xiray.

Goobjoogayaal ayaa ku waramay in qaraxa uu dhacay xili uu gaariga socday, waxaana inta la xaqiijiyay ku dhaawacmay labo ruux oo la sheegay in gaariga la socdeen xiliga uu qarxayay.

Warar soo baxaya ayaa sheegaya in gaariga qaraxa lagu soo xiray uu lahaa masuul katirsan maamulka Galmudug inkastoo aan wali la ogaan magaciisa iyo waxa uu ka yahay maamulka Galmudug.

Qaraxyada gaadiidka lagu soo xiro ayaa inta badan ka dhaca magaalada Muqdisho, waxaana qaraxyadan khasaaro xoogan gaarsiiyaan dadka la socda gaariga lagu soo xiro gaar ahaan darawalka.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.