Ciidamada Burundi oo bilaabay iney Soomaaliya isaga baxaan

Sida laga soo xigtay saraaakiil ka tirsan ciidamada Burundi ee qeybta ka ah howlgalka AMISOM waxaa bilaawday dib u celinta ilaa 1,000 askari oo ka mid ah ciidamadooda ku sugan Soomaaliya.

Khamiistii aynu soo dhaafnay ayeey sheegeen saraakiishu in ay gaareen magaaalada Bujunbura ilaa 200 oo askari oo bilow u ah 1.000 askari oo midowga Africa uu dalbaday in dib loogu celiyo dalkooda.

Maalmaha soo socda ayaa lagu wadaa in ay halkeeda ka soo socto daabulida ciidamada Burundi oo intooda badan ka imanaya deegaannada gobolka Shabeellaha dhexe oo ay ka howlgalaan.

Dowladda Burundi guud ahaan marka la eego kuma qanacsana go’aanka midowga Africa uu Sooomaaliya uga soo saarayo qeyb ka mid ah ciidamadooda ka tirsan AMISOM, waxaana uu madaxweynaha dalkaas ku baaqay shir deg deg ah oo arritan ka yeeshaan dalalka ciidamada ka jooga Soomaaliya.

www.somalitopnews.com

Mogadishu-Somalia     

somalitopnews@gmail.com

                                               

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.