Al shabaab oo sheegtay iney Qarax ku dileen ciidan katirsan kuwa AMISOM

Warar dheeraad ah  ayaa kasoo baxaya qarax dhaliyey khasaaro isugu jira dhimasho iyo dhaawac oo shalay gelinkii dambe Ciidamada AMISOM  lagula deegaanka Carbiska ee duleedka magaalada Muqdisho.

Qaraxa oo ahaa Miinada nooca dhulka lagu aaso ayaa waxaa warar la helayo ay sheegayaan in uu qabsaday mid ka mid ah Gawaarida Ciidamada AMISOM, gaar ahaan Gaari Taaw ah,waxaana jira khasaaro kala duwan oo uu sababay qaraxaas.

Al-Shabaab ayaa sheegtay mas’uuliyada qaraxaas,iyaga oo sheegay inay ku dileen 8 Askari,isl amarkaana burbur xoogan uu gaaray Gaariga oo ka mid ahaa Kolonyo ka tirsan Ciidamada AMISOM oo kusoo jeeday dhinaca Magalada Muqdisho.

Si kastaba weli wax faah faahin ah kama bixin Saraakiisha ciidamada AMISOM Soomaaliya oo ku aadan sheegashada Al-Shabaab ee ah in 8 Askari ay ku dileen qarax ka dhacay deegaanka Carbiska ee duleedka magaalada Muqdisho.

www.somalitopnews.com

Mogadishu-Somalia.com

Somalitopnews@gmail.com

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.