Madaxweyne Farmaajo oo safar lama filaan ah ku tagay Addis Ababa lana kulmay Abyi Axmad

Madaxweynaha Somaliya Maxamed C/laahi Farmaajo & Wafdigiisa ku sugnaa dalka Sacuudiga ayaa ka dagay Magaalada Addis Ababa ee dalka Itoobiya.

Safarka Madaxweynaha uu ku tagay Dalka Itoobiya ayaanan horay loo sii shaacin, balse tagitaankiisa Magaalada Addis Ababa ee dalka Itoobiya waxa ay ku soo aadeysaa, iyadoo Ra’iisul Wasaaraha Itoobiya uu sheegay inuu ka shaqeynaayo xalinta Khilaafka Somaliya & Kenya.

War kooban oo lagu daabacay Bogga Twitter-ka ee Ra’isal Wasaaraha dalka Itoobiya ayaa lagu sheegay in labad dhinac ay ka wada hadleen xiriirka labada dal, iskaashiga, dhaqaalaha iyo qodobo kale.

Madaxweyne Farmaajo ayaa sidoo kale intii uu ku sugnaa Xafiiska Ra’iisul Wasaaraha Itoobiya waxaa uu ka qayb qaatay dhir lagu beerayay gudaha dhismaha Xafiiska Ra’iisal Wasaaraha.

Waxaa kale oo kulanka lagu soo qaaday sidii labada dal ay isaga kaashan lahaayeen xasilloonida, ammaanka iyo wada shaqeynta Gobolka.

 

www.somalitopnews.com

Mogadishu-Somalia.

Somalitopnews@gmail.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.