Norway oo Ra’isul Wasaare Kheyre ka taagereysa dhaqaalaha doorashada 2020

Dowladda Wadanka Norway oo dano badan oo dhaqaale ka leh Soomaaliya aad ula socoto dhaqdhaqaaqyada Geeska Africa ayaa Ra’isul Wasaare Xasan Cali Kheyre u ballan qaaday dhaqaalaha ku baxaya doorashadiisa 2020.

Norway ayaa saaxiib dhaw la’ah Ra’isul Wasaaraha dalka waxaana ujeedkeeda ugu weyn uu yahay iney ka saxiixato heshiisyo maalgashi oo waa weyn kuwaa salka ku haya kheyraadka dalka gaar ahaan Batroolka.

Dowladda Norway ayaa sidoo kale Soomaaliya ku cadaadineysa iney wada hadal ka gasho muranka gardarrada cad ah ee Kenya ku dooneyso Biyaha Soomaaliya si Norway ay u soo saarato Batroolka ku jira halka lagu muran sanyahay oo shirkado dalkeeda laga leeyahay sahmin ay ku sameeyeen.

Norway ma aysan sheegin cadadka dhaqaalaha ku baxaya doorashada 2020 lagu soo saari doono Ra’isul Wasaare Kheyre balse waxey wacad ku martay iney xoogga saareyso sidii uu Madaxweyne u noqon lahaa Kheyre, iyadoo ay xusid mudantahay in Ra’isul Wasaaraha uu wato Basaboorka Norway halka Madaxweyne Farmaajo uu sito Baasaboor American ah isagoo wali ku dhaqma shuruucda Mareykanka.

Norway ayaa sidoo kale Soomaaliya ku riixeysa iney ku biirto Isbadalka Geeska Africa iyadoo Norway ay iska diiday iney kamid noqoto wadamada Midowga Yurub.

Somalitopnews ayaa ogaatay in Kheyre uu helay Ballanqaadkan markii Todobaadkan ay wadanka timid wasiiarradda Arrimaha Dibadda Norway.

By: Tafatiraha  Abdiazizh99@gmail.com

www.somalitopnews.com

Mogadishu-Somalia.

Somalitopnews@gmail

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.