Al shabaab oo soo bandhigay dhibaato ay gaarsiiyeen ciidankii Ceel Saliiini oo DF ay ka aamustay

Al-Shabaab ayaa soo bandhigay sawirada weerarkii shalay ay ku qaadeen Saldhig Ciidamada dowladda ku lahaayeen deegaanka Ceel Saliini oo u dhaxeeya Marka iyo Afgooye, halkaasoo uu ka dhacay dagaal xooggan.

Weerarka ayaa ahaa mid ku bilowday gaadiid waxyaabaha qarxa laga soo buuxiyay oo lagu furtay afaafka hore ee xerada, waxaana wixii ka dambeeyay xilligaas dhacay dagaal fool ka fool ahaa oo dagaalamayaasha Al-Shabaab dhowr jiho ay kaga qaadeen xerada.

Gaadiid dagaal iyo saanad hub ah ayay ku soo bandhigeen baraha Internet-ka ee taageera, kaasoo ay kula wareegeen dagaalkii shalay.

Arrintan ayaa jawaab u aheyd war shalay ka soo baxay Saraakiisha ciidamada dowladda oo ahaa in dagaalkii shalay ay iska caabiyeen Al-Shabaab.

Hase ahaatee warar madax bannaan ayaa sheegaya in dagaalkii shalay Al-Shabaab ku qaadeen xeradaas ay ku dileen tiro ka tirsan ciidanka dowladda, kulana wareegeen gaadiid dhowr ah oo iyo saanad ciidan.

www.somalitopnews.com

Mogadishu-Somalia

Somalitopnews@gmail.com

Leave a Reply

Your email address will not be published. Required fields are marked *