Al shabaab oo dagaal kula wareegay duleedka magaalada Gaarisa

Wararka aan ka heleyno deegaan duleedka ka ah Magaalada Gaarisa ee Gobolka Waqooyi badan ee dalka Kenya ayaa waxaa ay sheegayaan in halkaas ay la wareegeen dagaalyahano ka tirsan Al-shabaab, kadib dagaal dhacay.

Al-shabaab ayaa saqdii dhexe ee habeenkii xalay aheyd waxaa ay weerar dhowr jiho ah ay ku qaaday Saldhiga Ciidanka Kenya ay ku lahaayeen deegaanka Dhicise oo qiyaastii 30 KM ujira Magaalada Gaarisa.

Intaas kadib dagaal toos ah ayaa gudaha saldhiga ka qarxay, kaasi oo u dhexeeyay Al-shabaabkii weerarka soo qaaday iyo Ciidana ku sugnaa gudaha Saldhiga.

War kasoo baxay Al-shabaab ayaa waxaa ay ku sheegteen in Ciidanka Booliska Kenya ay kala wareegeen gacan ku heynta deegaanka Dhicise, islamarkaana ay dab qabadsiiyeen Xaruntii shirkadda Isgaarsiinta Safaricom ee ku taallay halkaas.

Sidoo kale Warka Al-shabaab ayaa waxaa lagu sheegay in ragii weerarka ku qaaday Saldhiga Kenya ay halkaas kasoo qaateen wixii yaallay oo u badnaa saanado melleteri oo lahaayeen Ciidamada Kenya.

Ilaa iyo hada ma jiro wax war ah oo kasoo baxay Saraakiisha Ciianka dowladda Kenya oo ay uga hadlayaan wararka sheegaya in Al-shabaab ay qabsadeen Saldhigii ay ku lahaayeen deegaanka Dhicise oo qiyaastii 30 KM ujira Magaalada Gaarisa.

Mogadishu-Somalia

Somalitopnews@gmail.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.