Ra’isul Wasaarihii hore ee Soomaaliya Nuur Xasan Xuseen oo ku xanuusanaya London

Ra’iisul Wasaarihii hore ee Xukuumadda Soomaaliya Nuur Xasan Xuseen (Nuur Cadde) ayaa lagu soo waramayaa in haatan uu ku xanuunsanayo Isbitaal ku yaalla Magaalada London ee Caasimadda dalka Ingariiska.

Warar la helayo ayaa waxaa ay sheegayaan in Nuur Cadde uu ku dhacay Cudurka halista ee Coronavirus oo kusii faafaya dalal badan oo ku yaalla Caalamka, isla markaana ay u dhinteen in ka badan 10,000 oo Qof.

Ra’iisul Wasaaraha Xukuumadda Federaalka Soomaaliya Xasan Cali Kheyre ayaa ka hadlay xanuunka haaya Nuur Cadde, isagoo Khadka telefoonka kula hadlay Qoyska Nuur Cadde.

Waxaa uu Ra’iisul Wasaare Kheyre Alle uga baryay Nuur Cadde inuu Caafimaad Deg deg ah siiyo, wuxuuna Qoyskiisa la wadaagay inay dowladda iyo Shacabka Soomaaliyeed ay garab taagan yihiin

“Waxaan Alle ka baryayaa inuu caafimaad degdeg ah siiyo Ra’iisul Wasaarahii hore ee dalka, mudane Nuur Xasan Xuseen (Nuur Cadde) oo ku xanuunsanaya London. Waxaan khadka teleefanka kula hadlay qoyskiisa aniga oo gaarsiiyay in dowladda & shacabka Soomaaliyeed ay garab taagan yihiin” ayuu yiri Xasan Cali Kheyre.

Cudurka halista ah ee Coronavirus ayaa ku faafay dalal badan oo ku yaalla Caalamka, waxaana u geeriyooday kumanaan ruux oo ay ku jiraan dad Soomaali ah oo kunoolaa dalka Sweden.

Mogadishu-Somalia

Leave a Reply

Your email address will not be published. Required fields are marked *